نتحدى الظروف

من طرف **ashraf** السبت 11 يوليو 2009, 04:57

يلى حبيتك من قبل حتى ما التقيكى

وعشقت فيكى الهوى من قبل حتى ما المح عينيكى

وحسيت معاكى بالحنان من غير ما ايدى تلمس ايديكى

تسمحيلى اهتف بحس عالى واقوللك

الله عليكى

حبى ليكى كان غصب عنى مش بإرادتى

لا انا اخترت احب عينيكى ولا انت اخترتى

انا وانت جمعتنا الظروف

انا وانت شبكتنا الحروف

صدقينى

عارف ان جواكى منى خوف

عارف ان لسة جواكى منى

شئ من الكسوف

وعارف كمان ان سكتنا لساها طويلة

وان ظروفنا صعبة معقدةويمكن تكون مستحبلة

لكن بإيدينا ايه نعمله

واحنا الاتنين ملناش ياحبيبتى حيلة

صدقينى لو قلتلك

انك ساكنة فى ننى عينى

انك ساكنة فى نبض قلبى وف حنينى

وان حبى ليكى

مكتوب مقدر فوق جبينى

حبى ليكى

غير سواد عتمة سنينى

حبى ليكى

نبع فايض من حنينى

احضنينى

ضمينى بإيديكى الحنونة

احضنينى

طبطبى على كتفى هدهدينى

واسمعينى

سيبينى اقول كل الى عندى

من غير ما تقاطعينى

سيبينى افضفض

سيبينى احكى

سيبينى اشكى

نفسى ارمى همومى تحت رجلك

نفسى ابكى

نفسى اغسل حياتى من همومى

نفسى اطلع من هدومى

نفسى حد يحس بيا وبعذابى

نفسى اجدد معاكى سنين شبابى

نفسى اخد م الهموم موقف ايجابى

نفسى احكى عن اهاتى وعن انينى

نفسى اشكى للزمان الى كاوينى

نفسى اشكى م الفرح اللى ناسينى

نفسى القى الفرحة جاية بتنادينى

الاقيها وتلاقينى

الاغيها وتلاغينى

نفسى انسى حزن السنين

اللى مكحل ننى عينى

نفسى اخلص م الهموم

اللى ساكنة فوق جبينى

تعرفى

ساعات كتير بتمنى اموت

لوكنت ورقة فى قلب شجرة

بتطرح توت

لو ياخدنى الطوفان

ويرمينى فى بطن حوت

لو كنت خيط

من خيوط العنكبوت

لو يندفن جسمى فى تابوت

نفسى اضرب الاحزان

100 شلوت

جوة منى حاجات

ينطقها السكوت

ياريتك تسمعينى

ياريتك تفهمينى

ياريتك تحسينى

احضنينى

ملسى بإيديكى شعرى

هدهدينى

طمنينى

رجعيلى سنين طويلة من حياتى

خرجينى من سكاتى

نسينى عذابى

نسينى اهاتى

فضفضيلى بلى معشش جوة منك

قوليلى انك حبتينى

غصب عنك

مش بإرادتك

زى ما انا حبيتك

غصب عنى مش بإرادتى

لا انا اخترت احب عينيكى

ولا انت اخترتى

انا وانت جمعتنا الظروف

انا وانت شبكتنا الحروف

انا وانت جوانا خوف

لكن عايزك توعدينى

قبل ما اخلص كلامى

قبل ما اهديكى سلامى

اننا رغم الالام

رغم الصعاب

راح نقاوم

ونتحدى الظروف
مستر أشرف

السلام عليكم

حبى ليكى كان غصب عنى مش بإرادتى

لا انا اخترت احب عينيكى ولا انت اخترتى

انا وانت جمعتنا الظروف

انا وانت شبكتنا الحروف

صدقينى

مشكور أخي على الكلام الرائع
لك أجمل تحية

لا يوجد كلام اعبر لك بيه عن اعجابى باشعار الجميلة
انا الى الان لما افيق من جمال كلامتك وتعبيراتك
بجد سلمت كتابتك وسلمت لنا
تقبل مرورى المتواضع على شعرك المتميز وعبارات القيمة
ونحن فى انتظار الجديد والمتميز برافـو

جميع الحقوق محفوظة لشبكة همسات المحبة

نتحدى الظروف

نتحدى الظروف

رد: نتحدى الظروف

رد: نتحدى الظروف