حب لا ينفع ولا يفيد

قالـِت بحبـَك
بس حُب جديد
ممنوع تلمسني
لـَمِس بالإيد

قـِلـْتِلها اللي
بيزرَعْ الكرمات
مجبور منها
يـُقطـُف عناقيد

قالـِت عـِند ما
بتقشع العنبات
غـِضّ النظرْ
وتفرَّج من بعيد

قـِلتلها بعنقودِك
الحـَبَّات
ما بـِترِكـُن غير
ما يصيرو نبيد

قالت أنا نحلِة
من النحلات
لا غِشْ في
عندي ولا تقليد

قـِلتـِلها الدبور
للعَسلات
مش رح يوفـِرهُن
لـِيوم العيد

قالت أنا بحبك
بلا غايات
قديش صَرلي
هالكلام بعيد

لا تـِغـّرْني
ولا تكبِّر الفـَشخات
ما فيك تـَعمِل
متل ما بـِتـْريد

قلتلها يا
مسَييجي الوردات
لو الميّ بدا
توقـَفْ عواميد

يما إسمَحيلي
فـَرفـِك الحَبقات
يما تركيني هيك
واعْفيني
من حُب لا بينفـَع
ولا بيفيد

الله على ها الشعر الرقيق
ان دل على شىء يدل على رقة مشاعر كاتبها
الله يعطيك الف عافية
عيشتنا معاك فى ها الحوار الرقيق الرائع الحالم
يارب دائما تمتعنا بهالكتبات الاكثر من رائعه
تسلم ايدك ومنتظرين منك المزيد والرائع والجديد
لك منى كل التقدير والاحترام اخى سامر

حلوو كتير سامر
بس انا بعتقد انومافي حب مابينفع
لان شو ما كان نوع الحب بفيد بكفي انو بغذي الروح

جميع الحقوق محفوظة لشبكة همسات المحبة

حب لا ينفع ولا يفيد

حب لا ينفع ولا يفيد

رد: حب لا ينفع ولا يفيد

رد: حب لا ينفع ولا يفيد