سياااااااااااااااااسة‏

إجتمع رئيس الدوله برئيس الوزراء لكى يقوم بتغيير وزارى جديد ، و يقيل رئيس الوزراء من منصبه....
(رئيس الوزراء متضرّعاً( :
- يا سيادة الريـّس ، طول عمرى فى خدمتك و خدمة البلد ، أرجوك!
- آه ، بس إنت عارف بقى ، هيـــيييه ، هى دى سـُنـّة الحياه ، و الشعب بيحب التغيير ، سـُنـّة الحياه التغيّر ، إنته سـُنـّة
- يا سيادة الريس إشملنى بعطفك ، إدّينى فرصه تانيه
- يا عزيزى دا قرار و إنتهينا منـّه خلاص شوف كل الوزرا اللى راحوا ، ما فيش حد بيخلـِّد فى الكرسى ، هى دى سنة الحياه ، التغيير سـُنـّة ، أنته زى سنة الحياه بالظبط
(رئيس الوزرا ، آخر أمـّا زهق)
- يعنى إشمعنى سـُنـّة الحياه دى بتيجى لغاية سيادتك و تقف ؟؟!!، إشمعنى سيادتك ما بـتـتـغيـّرش ؟
عمـّال تقولـّلى إنته سـُنـّة إنته سـُنـّة!!
رئيس الدوله:
- أنا مش سـُنـّة ، .... أنا فرض!!!

بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

واحد حب يرشح نفسه في الانتخابات ضد الريس

قالوله : ترشح نفسك ليه ، إنت مجنون؟!!

قاللهم : هو شرط ؟

موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله رحت فى شربة ميه
فسأله ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناها لك اوعى تعمل كده تانى

واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض

بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

سأل الرئيس وزيره : كيف حال الشعب بعد ما
غلّينا العيش ؟
فقال : بياكلوا زفت يا ريس
فقاله : طيب غلي الزفت

كانوا بيمسكوا كل حمير الغابة ففي قرد لقي اسد بيجري
القرد : بتجري ليه يا اسد
الأسد : اصله بيحبسوا كل الحمير
القرد : وانت مالك انت اسد مش حمار
الاسد : حلني على ما يثبتوا اني اسد

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الريس خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟
الرجل سأل: ' و في المتوسط الناس بتتبرع بكام'
الرجل الثاني : ' من 5 الى 10 لتر بنزين' !

مره وزير كان واقف بيبص من البلكونه لقى ديب بيجرى شويه ولقى كلب بيجري شويه ولقى حمار بيجرى

قال اشوف ايه اللى بيحصل قعد يجرى ورا الديب لحد اما حصله بيقوله بتجرى ليه رد عليه الديب وقاله انا ماليش عيش فى البلد دى الانسان بياكل اخوه الانسان

سال الكلب بتجرى ليه قاله ماينفعش اعيش هنا كل ماهوهو على حرامى ماحدش بيعبرنى

سال الحمار وانتا بتجرى ليه قاله والله ياباشا انا زيى زيك لقيتهم بيجرو جريت وراهم

من طرف ahmed السبت 05 سبتمبر 2009, 10:54

اختارناه اخترناه وعشان كده احنا اختارناه

:اسلاميات:

حلوه قوى بس عارف انا خايفه عليك من الست الهانم امن ال......

بس والله ضحكتنا بجد وصحتنا على الواقع الاليم الذى نعيشة

الله يعطيك العافية ومنتظرين منك المزيد والجديد

مع ارق تحياتى